De Sadorn, etegves mis Gorefen
Saturday, 18th July
De my a vednas piw a wrüg üdn trolergh ha pele wrüga va mos. Hedhyw my a venja gofen piw a wrüg gonis oll an gwedh hag a-bele a dheuth an has po an planjow. Nebes gwedh, pecar'a dar ha coll, ew genejek - en Kernow termyn pur hir. Nei a wel aga henwyn en lies hanow telher (ha henwyn teylû coth - thew an den jentyl ma Alexander Pendarves) - PenDARves ha PresinGOLL rag sampel. Lesys ens gen bestes (gwyweres hag edhyn). Mes ha know ew pur dhynyak. Ma gwedh erel dr'ew spredys gen gwens - ma dhodhans has askellek. Üdn onnen ell dallath onnek. Bes ma lies gwedhen dres dhe Gernow gen cuntelloryon a oos an Vatêrnes Victoria. Teylû Treseder a Druru o radn a story lowarthow a Australy ha Kernow. Ha breder Lobb eth dres oll an bes. A wrüg an wedhen ma dos dhort plansva Treseder en Truru? Coth ew hei ha tew ew hy wedhen-ven.
Yesterday I asked who made a certain footpath and where did it go. Today I would like to ask who planted all the trees there are around and where did the seeds or the plants come from. Some trees, such as oaks and hazels, are native - in Cornwall for a very long time. We see their names in many place names (and old family names - this gentleman is Alexander Pendarves) - e.g. Pendarves (end/top of an oak wood) and Presingoll (the hazel-trees grove). They are spread by animals (squirrels and birds). Acorns and nuts are very tempting. There are other trees that are spread by wind - they have winged seeds. One ash tree can start an ash grove. But there are many trees brought to Cornwall by Victorian collectors. The Treseder family of Truro were part of Australian and Cornish garden history. And the Lobb brothers went all over the world. Did this tree come from Treseder's nursery in Truro? It is old and its trunk is thick.
Deg ger rag hedhyw: Ten words for today
a-bele whence, where from
askellek winged
a vednas (preterite) asked < (verb) gofen~goven
dres oll an bes all over the world
dynyak tempting, attractive, enticing
genejek native, indiginous
lesys spread (you can also use spredys)
mes (collective plural) acorns > (singular) mesen (f)
onnen (f) ash tree > (collective plural) onn > onnek ash grove
plansva (f) plant nursery
No comments:
Post a Comment