De Yow, ethves warn ügens mis Me
Thursday, 28th May
Dedh spladn o hedhyw, gen howl ha tòbmder. Pur deg o an gewer. My a veu pur lowen ewedh. E veu nebes sowena dhebm gen ow descans war Zoom, ha my a fanjas flourys wheg dhort ow deskyblon, ros menedh. My a gerras en pow an-dro arta. Pur las ew oll an losow. Lebmyn theram ow whilas meyn trehys moy. Ogas dhe Melinjy en termyn eus passyes e veu maner henwys "Trevellance". Lebmyn ma chy bargen tir ena, bes ottobma poel yett en ogas. Thew hebma cottha vel an treven, my a breder. Alja hebma bos dhort an maner coth? Hag hebma aral? My a welas men bras adreus dhe'n gover ma, avel pons bian - saw lebmyn ma pons compes en ogas. Ma lies gover obma oll adro. Telher nebes dowrek ew - kenth ew radn anodhans pur isel. Ma minnys e'n gover, bes scon na vedh dowr lowr rag anjei. Ma othom dhen a law.
It was a splendid day today, with sun and warmth. The weather was very lovely. I was very happy as well. I had some succes with my lesson on Zoom and I received sweet flowers from my students, peonies. I walked in the countryside again. All the plants are very green. Now I am looking for more carved stones. Near Bolingey in the past there was a manor called "Trevellance". Now there is a farmhouse there, but here is a gatepost nearby. It's older than the buildings , I think. Could this be from the old manor? And this other one? I saw a big stone across this stream, like a little bridge - but now there's a proper bridge nearby. There are lots of streams around here. It is a rather watery place - though some of them are very low. There are minnows in the stream, but soon there won't be enough water for them. We need rain.
Deg ger rag hedhyw: Ten words for today
a-dreus dhe (preposition) across
compes proper
dowrek watery, marshy, boggy, water-logged, full of streams, etc.
gover (m) stream
maner (m) manor
minny (m) minnow
pons (f) bridge
rosen venedh (f) peony > (plural) ros menedh (literally mountain rose)
sowena (f) success
tòbmder (m) warmth, heat
No comments:
Post a Comment