Dedh Cans ha Trei warn Ügens

De Sadorn, nessa mis Me
Saturday, 2nd May

Nei a glowas levow ow tow ha tros a dreys e'n vorr (fordh). E veu dew vargh gwir (nag ens dew hebyhors) gen marhogesow war aga heynow, ow gelwel an eyl dh'y ben. Nei a glowas voysys erel e'n ebòrn - sonyow alarum. Bargas o assâwltys gen briny serrys. A wrüg an bargas kibya edhnik? My a gavas plüven dhû war an trolergh. A wrüg hei codha dhort bran engrys? Thera sonyow môy e'n gwelyow a-warra (a-wartha).  Dres an ke nei a glowas anethans medhel bûhes. En mis Me thew an ayr leun a gân wheg awhesydhes (melwheses). Nei a's gwel gen caletter brâs - mowns ow neyja mar ûhel. Par termyn whei a wel onan, nena ma hei ow skydnya üskis dhe'n dor arta, dh'y neyth. Nag ew anjei edhyn pur vian bes ma mir münys dhodhans a-ûgh e'n ebòrn. E'n vorr arta, kebmer with! Ma tüs ow tremena pur üskis war dhiwrosow. Dison ens kens agas hedhes. Òja hedna gellys ens.

We heard voices coming and the sound of feet in the road. It was two real horses (they weren't two hobby horses) with lady riders on their backs, calling out to one another. We heard other voices in the sky - sounds of  alarm. A buzzard was under attack by angry crows. Did the buzzard snatch a chick? I found a black feather on the path. Did it fall from an angry crow? There were more noises up in the fields. Beyond the hedge we heard the gentle breathing of cows. In May the air is full of the sweet song of skylarks. We see them with great difficulty - they fly so high. Sometimes you see one, then it swoops quickly down to the ground again, to its nest. They are not very small birds, but they look tiny high  in the sky. On the road again, take care! People come past very fast on bicycles. They are soundless before they reach you. After that they are gone!

Deg ger rag hedhyw: Ten words for today

anethans (m) breathing
assâwltys attacked
bran (m) crow > (plural) briny
dison soundless
gelwel to call out
keyn (m) back > (plural) keynow > aga heynow
kibya/cabya to snatch
marhogesow (plural) riders < (singular) marhoges (f) < marhak (m)
medhel gentle
münys tiny, minute