Dedh Dew

De Yow, nessa mis Genver

Thursday, 2^nd January

Skith o vy hedhyw drefen na wrüga vy còsca et ta newher – my a bâsas re. My a wra còsca gwell hanath, gen meur esperans. Dedh coynt ew hedhyw – nag ew an gewer yeyn saw nag ew hei howlek naneyl. Nag era vy owth omglowes pur vewek ow honan. Na ellama mos mes bes nag o vy lôwen dhe wòrtos tre. Blewek ha grevos ew an jedh. Nag eus othom dhebm a wil traveth. My alja redya, mires ort TV, liwya, scrifa bes na vern dhebm. Re a lavür ew. A wra an sqwithder ma gwil diwedh? Gellys skith o vy. Gellys ew ow gour dhe gefewy – pedn bloodh y gosyn ew. My a vedn kerdhes adro dhe'n lowarth. Otta flowr gwenton! Debrys ew soweth gen enevales bian. Therama ow sawya nebes losyow ôn. A vedn anjei floryshya en lester? Ma'n gourty ow tewheles – ow ton royow! E veu re a bastys e'n kefewy. Dew ehen – an eyl herwedh ûsadow, y gila bleus leun heb kig.

I'm tired today because I didn't sleep well last night – I coughed too much. I will sleep better tonight, hopefully. It's a strange day today – the weather isn't cold but it's not sunny either. I don't feel very lively myself. I can't go out but I am not happy to stay home. The day is boring and frustrating. I don't need to do anything. I could read, watch television, paint, write, but I'm not bothered. It's too much effort. Will this boredom end? I'm fed up. My husband has gone to a party – it is his cousin's birthday. I'll walk round the garden. Behold a spring flower! Unfortunately it has been eaten by little animals. I rescue some hazel catkins. Will they thrive in a vase? The man of the house returns – bearing gifts. There were too many pasties at the party. Two types – one normal, the other wholemeal flour without meat.

Deg ger rag hedhyw: Ten words for today

bewek lively, dynamic

coynt/stranj strange, odd

en ta well (you can also use etta)

grevos annoying, frustrating, irritating

hanath tonight

newher last night, yesterday evening

skith/sqwith tired

skithüs/sqwithüs/blewek boring

skithys/sqwithys/gellys skith bored, fed up, tired out

sqwithder/anians boredom