Dedh Pajar

De Sadorn, pajwora mis Genver

Saturday, 4^th January

Gerowgh nei gwandra a les e'n pow adro! Nag ew an gewer re dhrog ha nei alja voydya an glaw. Pandra ellen nei gweles en cres an gwav? Termyn ew dhe'n tiogow rag godrehy aga gladnow ha keow. En termynyow eus passyes an losow a veu trehys der an diwla gen viljyow. Hedhyw ma jynnys tedna ha jynnys trehy dhe'n tiogow ha anjei ell lavürya pur üskis – kens es edhyn whansek dhe wül neythow. Nag ew an keow mar gompes e'n eur ma. Üdn vownder o re leun a brei, etho nei a dreylyas adro ha kemeres vorr aral. En termyn eus passyes (termyn my veu mos) thera deys gora en gwelyow, hedhyw e'n jedh ma pusornow brâs maylyes en plastek dû. En peldar whei ell gweles ker ancient. Ass ew hedna contrast!

Let's go for a ramble in the countryside! The weather's not too bad and we could avoid the rain. What can we see in the middle of winter? It's time for the farmers to trim their verges and hedges. In past times the plants were cut by hand with slashing hooks (billhooks). Today farmers have tractors and cutting machines and they can work very quickly – before birds want to make nests. The hedges are not so tidy these days. One lane was too full of mud, so we turned around and took another route. In the past (when I was a girl) there were haystacks in fields, nowadays there are large bales wrapped in black plastic. In the distance you can see an ancient hillfort. What a contrast that is!

Deg ger rag hedhyw: Ten words for today

compes neat, tidy, etc.

der an diwla by hand

deys gora hastacks, hayricks

e'n eur ma nowadays (you can also use e'n jedh hedhyw)

godrehy to trim <trehy to cut

gwandra (a les) to ramble, hike, go for a walk

jynn tedna (m) tractor (you can also use tractor (m))

pusornow bales

tiogow farmers < singular tiak (m)

viljyow billhooks (and similar tools) < singular vouls