Dedh Dew Cans Dewdhek warn Ügens

De Merher, nawnjegves mis Est

Wednesday, 19^th August

Glaw! My a glowas son a nebes hager gowasow e’n nos. My a viras mes e’n mettin.   Eus othom dhen a redya agan meter dowr? Na ellen – ma va dadn dhowr. Bettegens, nei a gerras (gerdhas) moy diwedhes ha cuntel mor dhe vos gen avalow codhys. Thera dhebm nebes ploum rüdh nag o pur sugnek. Etho, avalow, mor dû ha ploum – pandra dhe wil ganjans? Wöram! My a wra kefeythya, kefeyth rüdh. My a drouvyas naw seth kefeyth. Avorow y vedh avalow codhys moy – ma enawel ow tos. Eus sethow moy dhebm? My a wra gorra an nessa avalow e’n stiver. My a ell gwil lies crampes avalow e’n gwav. Ha ma hanter botel a wiras dhebm – my a ell gwil dowr tòbm eyrin rag Nadelik!

Rain! I heard a sound of several heavy showers in the night. I looked out of the door in the morning. Do we need to read our water meter? We can’t – it is underwater. However, we walked later and gathered blackberries to go with fallen apples. I had some red plums that weren’t very juicy. So, apples, blackberries and plums – what to do with them? I know! I’ll make jam, red jam. I found nine jam jars. Tomorrow there will be more fallen apples – a storm is coming. Do I have any more jars? I’ll put the next apples in the freezer. I will be able to make lots of apple pies in the winter. And I have half a bottle of spirits – I can make sloe gin for Christmas.

Deg ger rag hedhyw: Ten words for today

 

a glowas heard (preterite of clowes to hear, etc.)

crampes (f) pie

cuntel mor gather blackberries, go blackberrying

enawel (f) storm

gwiras (f) alcoholic spirit

hager gowas (f) heavy shower

kefeyth (m) jam, preserve

kefeythya to make jam or preserves

seth (m) jar

sugnek juicy < sugen ~ sugan (f) juice