Dedh Dew Cans Whegh warn Ügens

De Yow, terdhegves mis Est

Thursday, 13^th August 

Ma trei mis en hav: Efen, Gorefen ha Est. Lebmyn, thera nei en cres mis Est ogastei. Etho, ma diwedh an hav ow tos nes. Ma howl spladn ha gewer dòbm war  an cost soth, saw òbma war an cost noor ma niwl pub mettin. Hedhyw a-varr nei a gerdhas war tûa Kellestek. My a gemeras ow hôta adro dhebm drefen nag o tòbm! Ma’n liwyow ow treylya e’n keow ha gwelyow. Melyn ew an wanethek. Ügens òja (wosa) naw, na aljama gweles Carn Breanek ha na aljama gweles an howl naneyl. Bes ügens dhe dheg an howl a dorras mes. Ma reden melyn keffres ha glas. Nag ew rüdh na velha an manegow rüdh – dû ens. Ma kerry war an vorr vras. E veu othom dhen a wòrtos ken tremena. Ma finweth tooth, saw ma pub hüny ow mos dres difen.

There are three months in summer: June, July and August. Now we are almost in the middle of August. So, the end of summer is approaching. There is bright sun and hot weather on the south coast, but here on the north coast there is fog every morning. Early today we walked towards Callestick. I put my coat on because it wasn’t hot! The colours are changing in the hedges and fields. The wheatfield is yellow. At twenty past nine I couldn’t see St Agnes Beacon and I couldn’t see the sun either. But at twenty to ten the sun broke through. There is yellow bracken as well as green. The foxgloves are no longer red – they are black. There is traffic on the main road. We needed to wait for a pause before crossing. There is a speed limit but everyone disobeys orders!

 

Deg ger rag hedhyw: Ten words for today

dorras broke (preterite ) < terry to break

finweth tooth (f) speed limit

gòrtos to wait for, await

gwanethek (f) wheatfield

keffres ha as well as

kemeres adro dhe … to put on

mos dres difen to go against orders, disobey

na velha (SWFM na fella) no longer

ogastei almost

powes (m) pause, gap

tremena to cross