De Meurth, pajwora mis Est
Tuesday, 4th August
Ma diwedh hav ow tos nes ha nena e vedh kidnyadh. Ma üdn beren et ow gwedhen. Solabres ma lavalow e'n gwedh ow treylya melyn ha rudh. Solabres ma nebes avalow codhys dhe'n dor. Radn anodhans ew pigys gen edhyn ha radn ew bohes poder. My ell trehy mes oll an temigow drog ha gòrra an frût dhe vryjyon. Ma flourys whath dhe lies dreysen bes e veu sowena lowr dhen - nei a wrüg trovya nebes mor dû arves. Pur wheg ens gen aval ha tabm con. Ma lies eyrinen ha nebes ploum gwels en keow; mons ow arvesy saw nag ens parys na whath. My ell gòrtos! Bes gwyweres cott aga ferthyans na ell gòrtos tabm veth. Nag ew know coll arves - whath gwydn ens - bes an gwyweres na ell sevel ort aga debry. Mirowgh ort an plysk war an leur.
The end of summer is drawing near and then it'll be autumn. I have one pear on my tree. Already apples in the trees are turning yellow and red. Already some apples have fallen down. Some of them are pecked by birds and some of them are a bit rotten. I can cut out all the little bad bits and stew the fruit. Many brambles still have flowers but we had enough success - we did find some ripe blackberries. They are very nice with apple and a bit of sugar. There are lots of sloes and a few wild plums in hedges; they are ripening but they are not ready yet. I can wait! But impatient squirrels can't wait at all. Hazel nuts are not ripe - they are still white - but the squirrels can't resist eating them. Look at all the shells on the ground.
Deg ger rag hedhyw: Ten words for today
arves ripe > (verb) arvesy to ripen
gòrra dhe vryjyon to stew (put to boil)
mor dû (collective pl.) blackberries < (singular) moren dhû (f)
pigys pecked < (verb) piga
plysk (collective) nutshells > (singular) plysken (f)
poder rotten
sevel ort to resist, stop doing
solabres already
sowena (m) success
temigow (plural) little bits < (singular) tebmik (m) < tabm bit
No comments:
Post a Comment