Dedh Dew Cans Pemdhek warn Ügens

De Sadorn, nessa warn ügens mis Est

Saturday, 22^nd August

 

“Da via genam kemeres kerdh hir hedhyw,” mèdham. Etho, nei eth dhe Vorr Vòngleudh, nena nei a gavas an trolergh coth ûsyes gen tüs bal dhe dhrehedhes Whel Chiverton Nowydh. Ev a veu “nowydh” en mil eth cans trei ügens ha pajar (ha gorfednys veu an whel etto en mil eth cans trei ügens hag etek). E’n peswardhek bledhen na an bal a dhros mes trei hans ton stof plobm, terdhek cans ouns arhans, pemdhek ton moon deg ha pemp ton warn ügens arsenyk. Nag o hebma telher sawel rag deg den warn ügens, üdn venyn ha pajar maw! My a drouvyas gwiasva vas gen fotos: goonhavern.com/wp/category/goonhavern-district-history

Overdevys gen idhyow ha gwedh ew an trolergh ha’n jynnjy hedhyw, saw nanj ew cans bledhen tho an menedh noth. E veu othom a ügens margh dhe dedna  an jynn dhe ves war an diwedh. Nei a gerdhas reb an jynnjy gwag - nag eus den veth obma lebmyn, bes ma chôkys. Thew an derrow cabm ha nedhys. Nag eus derowen e'n foto coth. E'n nans ma gover ha leta bal. En termyn eus passyes thera vorr gleder ewedh. Nena nei a gerdhas dadn an bonsvorr. Na ellowgh whei hy gweles dhort pelder veth. Thera nei en dadn hei ken hy gweles. Arlodh Falmeth a bew an tiredh ma. Ma ploum Kea ow tevy war y dir en Nans Kea. Erowgh whei ow pedery dr'alja an re ma bos ploum Kea ewedh?

 

“I should like to take a long walk today,” I said. So, we went to Quarry Road, then we found the old footpath used by miners to reach New Chiverton Mine. It was “new” in 1864 (and work was finished in it in 1878). In those fourteen years the mine produced 300 tons of lead ore, 1300 ounces of silver, 15 tons of pyrite and 25 tons of arsenic. This was not a healthy place for 30 men, 1 woman and 4 boys! I found a useful website with photos: goonhavern.com/wp/category/goonhavern-district-history

The footpath and the engine house are overgrown with ivy and trees today, but a hundred years ago the hillside was bare. It took twenty horses to tow the boiler away at the end. We walked by the empty engine house - there are no men here now, but there are jackdaws. The oak trees are bent and twisted. There's no oak tree in the old photo. In the valley there is a stream and a mine leat. In the past there was a railway as well. Then we walked under the viaduct. You can't see it from any distance. We were underneath it before we saw it. Lord Falmouth owns this area. Kea plums grow on his land in the Kea Valley. Do you think that these could be Kea plums, too?

 

Deg ger rag hedhyw: Ten words for today

 

arhans ~ arrans (m) silver

chôkys jackdaws

derrow (plural) oak trees < (singular) derowen (f) < dar (coll)

drehedhes to reach

drei mes to produce, bring out

leta (m) leat

moon deg (f) pyrites, fools’ gold (literally pretty mineral) > dialect "mundic"

nedhys twisted

stof (m) ore

tevy to grow