Dedh Dew Cans ha Pajar Ügens

De Meurth, wheffes mis Hedra

Tuesday, 6th October 

Nei a dal kemeres nebes corfassay pub dedh rag agan yehes. Henn ew cussül ew res dhen. O whei yagh? Ero whei kemeres corfassay lowr agas honan? Thera vy ow saya kerdhes pub dedh, bes terweythyow calish (cales) ew. Nag ew an awel vas pub pres. Hedhyw nei a gachas hager gowas. Nena thera howl arta! Res ew dhen cabmy e’n trolergh ma, re isel ew an gwedh – ha mons ow cabmy aga honan moy ha moy pub dedh. Nei eth dhe gova dadn wedhen reb an eglos. Ma whath lies delen warnedhy, awos an gwens. Nei a viras orth an mor garow ha mos tre arta. Hag avorow an awel a vedh gweth na gwell!

We should take some exercise every day for our health. That is advice given to us. Are you healthy? Do you take enough exercise yourself? I try to walk every day, but sometimes it is difficult. The weather is not always good. Today we caught a heavy shower. Then there was sun again! We have to stoop in this footpath, the trees are too low – and they bend themselves more and more every day. We took shelter under a tree by the church. It still has lots of leaves on it, in spite of the wind. We looked at the rough sea and went home again. And tomorrow the weather will be worse not better!

Deg ger rag hedhyw: Ten words for today

awos despite, in spite of

cabmy to stoop, bend

cacha to catch

corfassay (m) physical exercise

cussül (f) advice, tip, counsel

gweth worse (you can also use lacka)

henn ew or hedna ew that is, i.e.

mos dhe gova to take shelter

yagh fit, healthy (dialect “jack”)

yehes (m) health (RLC ehes)