Dedh Trei Hans Dogens hag Eth

De Sül, terdhegves mis Kevardhû

Sunday, 13^th December

Dedh moredhek ha blewek ewa hedhyw. Nag ew an gewer na tòbm na yeyn. Nag ew hei segh bes na wra glaw poos. Bohes niwlek ew hei ha nag eus meur a wens. Tra veth ew euthyk. Sqwithys o vy genjy! Ro dhe nei an jòrna ma 'gan cabmdhavas pub dedh! E'n gwelha pres, ma tekheansow Nadelik ow tisqwedhes. Pandr'a ellen nei gweles? Pub pres ma clegh rag Nadelik - dhe seny mes an nowodhow da. Ma lies steren, sterednow lost mesk anjei. Ha, heb dout e'n cas, Tas Nadelik a wra dos. Ma dhodho re a gerwas ergh rag ombellheans cowethasek; martesen ev a ell dos gen beyk-jynn.

It's a gloomy, boring day today. The weather is neither hot nor cold. It is not dry but it is not raining heavily. It is slightly foggy and there is not much wind. Nothing is extraordinary. I am bored with it! Give us this day our daily rainbow! Fortunately, Christmas decorations are appearing. What can we see? There are always bells for Christmas - to ring out the good news. There are lots of stars, shooting stars amongst them. And, of course, Father Christmas will be coming. He has too many reindeer for social distancing; perhaps he can come on a motor bike!

Deg ger rag hedhyw: Ten words for today

beyk-jynn (m) motor bike

clegh bells < clogh (m)

disqwedhes to appear, show

heb dout e'n cas doubtless, without doubt

kerwas stags, bucks, deer, etc. < carow (m)

mesk ~ emesk amongst, among

moredhek gloomy

sqwithys ~ skithys bored, tired

sterednow lost shooting stars, meteors < steren (f) >

ster stars (collective)

tekheansow decorations, ornamentations