Dedh Trei Hans Etek warn Ügens

De Yow, tryja mis Kevardhû

Thursday, 3rd December

Ma dhebm chânjans a wel rag an termyn ha nebes kescowetha nowydh. Thera vy en Redrüdh. Ma ’gan mergh a-dre, ha ma othom dhebm a witha hy bestes. My a gerras (gerdhas) diweyth gans an kei, saw nag ew da ganjo an glaw. Lowen o va dhe dhos tre arta. Thera dhebm gwel brentin a Carn Bre – gans ow hamera my ell gweles an castel hag oll an hûjes veyn adro dhodho. Nag en jei gweskys gen todnow pecar ha’n re na veu gwelys genam de. En gwelha pres, nag eus res dhebm gwil traveth gen bestes erel saw aga maga. An teyr yar ew pur hegar ha feryek. Ma mogh Gyny ha cònidnas en cawellow ha thew an cathes diek. Na ellama gweles an loor haneth en nos. Comolek ew an ebòrn ha ma re a wòlowow e’n strêtys. Bettegens, teg o an loor newher ha hei ow terevel a-dhelher dhe’n wedhen vrâs.   

I have a temporary change of scenery and several new companions. I am in Redruth. Our daughter is away from home, and I need to take care of her animals. I walked the dog twice, but he doesn’t like the rain. He was happy to get home again. I had a great view of Carn Brea – with my camera I can see the castle and all the huge rocks around it. They’re not lashed by waves like those I saw yesterday. Fortunately, I don’t have to do anything with the other animals but feed them. The three chickens are very friendly and curious. There are guinea pigs and rabbits in cages – and the cats are lazy. I can’t see the moon tonight. The sky is cloudy and there are too many lights in the streets. However, the moon was beautiful last night as it rose behind the big tree.

Deg ger rag hedhyw: Ten words for today

a-dre away from home, out

cawellow cages < cawell (f)

diek lazy

diweyth twice (RLC diweth)

feryek curious, inquisitive

gwel (mf) scenery, scene, view

gweskys struck, beaten, lashed

hegar friendly, affable, likeable

kescoweth ~ coweth (m) companion

todn (m) wave

traveth ~ tra veth nothing